«Тамблагъы жашауубузну айнытырыкъла билимли эмда тири жашла бла къызладыла»
26 декабря, 2023 - 15:32
Кичибалыкъчы къызчыкъ Хаджиланы Мариям элде битеулю билим берген мектепни алтын майдалгъа бошагъанды. Къабарты-Малкъар къырал университетни социал-гуманитар институтуну тарых ызына окъуугъа кирип, бакалавриатны къызыл дипломгъа тауусханды.
Бюгюнлюкде ол сагъынылгъан окъуу юйню тарых ыздан магистратурасында билимин ёсдюреди. Андан сора да, «Биринчилени атламлары» битеуроссей сабий эмда жаш тёлю къымылдауну регион бёлюмюнде ишлейди. Биз аны бла окъуууну, ишини юсюнден ушакъ этгенбиз.
