Хунерли тенгими илхамы
18 июля, 2023 - 13:59
Солтанланы Магометни газет окъуучуларыбыз иги таныйдыла. Аны жазгъан хапарларын, алгъан суратлары «Заманны» газетни бетлеринде басмалана турадыла. Хапарлары да сейирликдиле, алай суратларына къарасанг а, аланы энчи магъаналары болгъанларын ангылайса.
Алада чынг аллын табийгъатыбызны ариулугъуна эс бурмай къоймайбыз. Аланы араларында Малкъар жанындан башлап, Холам-Бызынгыны, Чегем тарларындан да аууп, Бахсан ауузуна, аладан да ётюп Хабазны, Кичибалыкъны сыртларына, тауларына, ёзенлерине жетебиз.