«Ёхтемленеме, сабий акъылы бла сагъыш этип къыралгъа къуллукъ этерге итиннгенине»
19 января, 2025 - 09:27
Бусагъатда энчи аскер операциягъа къатыша тургъан быллымчы жаш Ёзденланы Таубий къыралны аллында борчун толтурууну тюзге, магъаналыгъа санайды. Аны анасы Ёзденланы Женя жашыны бу оноууна къалай къарагъанларыны юсюнден сорууларыбызгъа жууаплагъанды.
- Женя, жашынг аскерде къуллукъ этерге кетип, андан а энчи аскер операциягъа къатышыргъа сюйгенди. Сен не айтханса аны ол оноууна?